الحب اعظم كلمة هل هذا صح ام خطا وهل هناك حب ولا؟مستنى رايكم؟

طبعا الى بيقول الحب بيجى مع العشرة كلامة مظبوط لكن هناك لابد وان يكون هناك حب

احب اقولكم انا عايش قصة حب جامدة وواقع لشوشتى ومش عارف ادخلها وصرحلها بحبى الزاى

هذا السوال اساله لانى ارى كثير من الشباب من سن يمكن 11 لحد سن 20 اللى هوه بعد الجامعه بيعيشوا قصص حب وغرام والكلام ده كله مع ان القصص دى اغلبها ان ماكانش كلها بتنهى ان بعد شهر لو طول يبقى تلاته شهور بيزهقوا من بعض
وانا مومن بكام حاجه
ان مافيش حد بيتجوز حد فى سنه الاقليل
كل الكلام ده اعجاب بيتحول لحب مش عارف ازاى وبعدين بيلاقى واحده اجمل منها بيعجب بيها بينفض للتانيه ويحب دى ويعيش كده
الكلام ده صح ولا انا غلطان
(kiss)
__________________
الحب فى سن المراهقه بيختلف من شخص للتانى.. فى ناس حبهم بيدوم و يبقى طول العمر و ده بيكون حب عميق لكن فى الزمن ده الشباب بيحب انه يعيش حياته اوى و يوقع دى و يحرر اى كبت جواه و تلاقيه فى السن ده بيحتاج انه يحب و يتحب فتلاقيه بيحب اى واحده حتى و لو مافيهاش اى مواصفات كان متخيلها فى حبيبته صدقنى ده شعور بيبقى مؤقت حسب عقليه و شخصيه المراهق ممكن تستمر فتره صغيره و تنتهى و ممكن يفضل كده كتير و ما يركزش الا فى سن الجواز .. لكن هتلاقى ساعات حب جميل او ى و فى سن صغير و بيبقى صافى و جميل و عقلانى كمان بتلاقيه فى الكليه و بيكبر مدام فيه اتفاق... انا معاك ان فيه سن مراهقه الواحد بيتوهم انه حب لكن بيختلف استمراريته من شخص لاخر لكن لازم يعدى المرحله دى لكن ده مش معناه ان مفيش حب فى السن ده لا صدقنى فيه و بيبقى حب جميل و عميق و من القلب... و ربنا يوفقك و شكرا ليك...
بص يا باشا الحب كلمه كبيره اوى وصعبه جدا والحب مش حاجه تيجي وتعدي بسهوله
هو طبعا فى حب فى سن المراهقه
اولا طبعا فى حب فى كل حياة الانسان بس بالاخص حب ولد لبنت او بنت لولد
لو فى سن المراهقه زي ما بتقول يحب بنت وبعد يومين يزهق منها او يشوف وحده تنيا تعجبه
او بنت تشوف ولد وتعجيب بيه وبعد يومين خلاص
او بعد فتره يزهقو من بعض
دا مش حب
دي اسمها مشاعر مراهقه يعني مشاعر مش بتثبت
جاوب انت على نفسك ازاى بعد فتره يزهقو من بعض ( دا لو بيحبو بعض ) وفى ناس بتتجوز عن حب وتعيش طول حياتى فى حب وحياه حلوه
انا واحد من الناس مش بأمن بالحب من ناحيه معينه
وهي ان الحب علشان يجي عمره بيجي بسهوله الحب حاجه صعبه اوى علشان تيجي لازم الاتنين يعرفو بعض و يدرسو شخصيات بعض علشان يبقي حب من القلب مش مراهقه
يعني فى موقف حصل ليا
كلمت بنت على الشات مره وحده بس
وبعد سنه لقيتها بتكلمنى على الشات وفرحانه جدا
المهم يعني فهمت من كلامها انها حبتني
وانا كنت متأكد ان دا ما كنش حب مجرد مشاعر مراهقه
بس ما حبتش اكسر قلبها
لحد فى الاخر ما هى الى سابتني وانا كنت منتظر اليوم دا انه يجي

قولى انت بقي ازاى بنت تحبني بمجرد انها قابلتنى مره واحده بس على الشات؟؟؟؟
حب حقيقى فى سن المراهقة معتقدتش وعلشان كده بينتهى وبسرعه كماان زى مابدأ ....وبيكونوا متشحتفين فى الحب زى ماهماا بيقولوا ومعتقدين ان لو لم يرتبطواا ده هايكون نهايه العالم وبيحصل حوادث انتحاار وبكااء والم ...ومشاعر حلوة اوى كمان بس كلهاا مزيفة زى مايتشابه اعراض مرض صعب اوى مع اعراض مرض سهل ويمكن الشفااء منه وبسهوله وبعد كده بيضحكوا على نفسهم لماا تنتهى التجربه دى وبتكون بس ذكرى جميله
بس حب نقى جدا اعتقد يكون فى السن دة ممكن لكن حب وحقيقى لااء
لان العواطف لسه لم تنضج بعد


كل الكلام ده اعجاب بيتحول لحب مش عارف ازاى وبعدين بيلاقى واحده اجمل منها بيعجب بيها بينفض للتانيه ويحب دى ويعيش كده
الكلام ده صح ولا انا غلطان

وانت قلت اهو بيلاقى واحدة اجمل منها بيسيبهاا ويروح للاجمل يبقى ده لايمكن يكون حب لان الحب حاجة تانيه خالص بتخليك تشوف حبيبك ده اجمل مخلوقاات الكون ومش هابالغ لو قلتلك ان كمان مافيش فى الكون اجمل ولا ارق منه وانك حقيقى لا يمكن ان تتخيل نفسك مع غيرة ابداا ..طبعاا دى مشاعر ناضجة لا توجد عند المراهقين .. ومع ذلك لكل قاعدة استثنااء
أعتقد ان كلمة حب حقيقي هذه اصبحت نادرة الوجود واحد في المليون في سن النضوج والعقل فهل تعتقدو ان يحدث حب حقيقي في سن التغيرات الجسمية والعقلية والفكرية؟؟؟؟؟؟؟؟؟؟؟؟؟(( سن المراهقة ))
اراي ان حدوث ما يطلق علية بالحب في هذا السن ما هو الا تفريغ عاطفي نتيجة التغيرات التي تحدث للشخص في هذا السن وان أي حاجة بتحصل مش بتكون اكتر من انها اعجاب او فضول للتعرف علي ما يحدث في تلك العلاقات والكلام اللي بيتردد عنها وتأثير الافلام والاعلان اللي بيرسم جنه تيجي تقرب منها ع الواقع تلقيها نار
عارفين زمان ايام الثانوي لما كنت اقعد مع البنات صحابي ملقيهمش بيتكلموا غير علي الحب وكل واحده تحكي علي البوي فريند بتاعها وعمل اية وقالها اية وخرجوا فين ورسموا حياتهم في المستقبل ازاي وبعد فترة القي البنت اللي كانت عماله تحكي علي ملاك جاياا تقول ده خاين بكرهه وتتعب وتبكي وبعد فترة القيها تعرف واحد تاني وتقول لا ده احسن ده فارس احلامي ووو وحاجات كتير من هذا القبيل والشباب كمان تلاقي الواحد من دول واقف وسط صحابة يتباهي بانه يعرف البنت الفلانية
يعني برأيي النهاية ان أي علاقة بين شاب وفتاه في السن ده بتكون غلط وخطر كبير عليهم هما الاتنين وصعب قوي انها تكون حب
ولكل قاعده شواذ ذي ما بتقول مايااا
كويس ان البنات هما اللى اتكلموا وشهدوا بالحقيقه دى والحقيقه دى ماتزعلش لان كل شىء نصيب وكل انسان بينزل مكتوبله كل حاجه فى حياته هيعملها ومنها هيحب مين ويتجوز مين والكلام ده وممكن تكون اخر انسانه تخطر على باله انها تتجزه ويتجوزها بس مكتوباله حبيت اوضح عشان مانضحكش على نفسنا