Admin
Admin
المساهمات : 719
تاريخ التسجيل : 30/07/2007
 |  موضوع: وحشتينى ........ وحشتينى  الأحد سبتمبر 30, 2007 6:53 pm | |
| وحشتينى يا نور عينى
وحشنى حضنك الدافى
يا عمرى الجاى وسنينى
وحشنى خصامك الوردى
وكلمة صلح ترضينى
اخصمك آة واقول ابعد
يجيبنى شوقى وحنينى
اعاند فيكى ايامى تعندينى
حلاوة روح
والقيكى بطيب قلبك تسمحينى
وارضى غرورى بالثورة على سكوتك
القى عيونك السارحة تنادينى
والقيكى مابين رمشك الدافى
ونن العين حضنتينى
اثور تانى ما بين عتاب رضا وغرور
يلف الدور
والقينى بستسلم
لرمش حرير مغطينى
وترضى جموحى وحنانك
يراضى غرورى يرضينى
دفا ايدك يطفى الثورة فعروقى
والقيكى ملكتينى
وبكفوفك تحوطينى
تصحى رجولتى جوايا
ومن تانى تعيدى فيا تكوينى
القى فيكى اشعارى وفلسفتى
واحساسى بترانيمى
واقوم اطبع على خدودك
دواوينى
وارسم شعرى بشفيفى
قصايد شوق بتكوينى
ولا تخافى الحروف تجرح
جمال خداك
ولا تخافى البيوت ترعشها اوصالى
تقوم تخدش شرايينك
ولا تخافى القلم يغدر
والقيكى حسمتى الامر من بدرى
وبرموشك حضنتينى
كانك عارفه جوايا
كانك حافظة تكوينى
واتاريكى غلبتينى
باحساسك بالامان بيا
وانا معاكى
وانا حاسك حبيبتى وبنتى والدنيا
وضنى عينى
ما بين شعرى وحرير شعرك
قصايد حب مطلعها
وحشتينى
وحشتينى .. وحشتينى
 [/url]
| |
|
