المعجنات .." موضوع متجدد ".. من مطبخ حدوته رأسا ال
كاتب الموضوع
رسالة
Admin Admin
المساهمات : 719 تاريخ التسجيل : 30/07/2007
موضوع: المعجنات .." موضوع متجدد ".. من مطبخ حدوته رأسا ال الجمعة سبتمبر 28, 2007 8:18 pm
انا عارفه ان انا وجهه جديد في قسم المطبخ :shutup00:... بس ان شاء الله بعد كده هابقا قديم ..:flex0000: أنا فكرت اصورلكوا الحاجات اللي بعملها فعلا ..و اقولكوا ع الطريقه .. يبقا حاجه واقعيه مش صور من مواقع و الا من كتب و ادينا بنجرب مع بعض .. و أي استفسار انا موجوده باذن الله ..
فكرت أبدأ بالمعجنات ..
اول مره امبارح اعمل السينابون رولز .. و شفت النهارده موضوع رونزي .. فهنعتبر السينابون بتاعي تطبيق فعلي ..و لو ان الطريقه مختلفه شويه
ندخل في الموضوع .. و كفايه رغيّ :showoff0:
بسم الله
السينابون رولز العجينه
المقادير .. لعمل العجينة نحتاج 1نص كيلو دقيق 4 ملاعق ط حليب بودرة 1 فنجان زيت 1 فنجان سكر 1 م ك خميرة فورية 1 ملعقة ص ملح 1 م ك بيكنج باودر ماء دافئ للعجن
- ملحوظه - هاتلاقوا هنا ماء و لبن بودره .. ممكن عادي تستخدموا لبن .. بس اللبن البودره بيخليها طريه اكتر
الطريقه
هناخد المقادير الجافه و نحطهم علي بعض ( اللبن البودره - البكنج بودر - الدقيق - الملح - و نص مقدار السكر ) و بعدين ناخد الميه الدافيه و بقيت السكر و عليهم الخميره و نقلبهم و بعدين نحطهم علي العجين
و نعجن العجينه كويس و خلوا بالكوا الموضوع عايز ضمير .. لان وكلما زادت مدة العجن كلمات زادت طراوة العجينة
الآن غطي العجينة في مكان دافيء لمدة ساعة
و بعد ساعه هانفرد العجينه
و بعدين هاندهنها ذبده ..و نرشها بسكر و قرفه و كاكاو ..
بعد كده هانلفها رول و نقطعها قطع سمك الواحده حوالي 2 سم
و نرصها في صينيه و نسويها في الفرن
و بعد ما تخرج .. نحط عليها لبن مكثف محلى .. هنجيب 3 جبنه كيري و فجنان لبن و نص فنجان سكر و نغليهم علي النار لغايه ما كثافتهم تذيد .. و طعم الصوص ده بيبقا جميل جدا برضه و ممكن نزوقهم بعد ما نحط الصوص الابيض بشويه صوص شيكولاته ..
و بالهنا و الشفا
المعجنات .." موضوع متجدد ".. من مطبخ حدوته رأسا ال
موضوع: المعجنات .." موضوع متجدد ".. من مطبخ حدوته رأسا ال 
الجمعة سبتمبر 28, 2007 8:18 pm
