اخفاء فولدر بطريقة جامدة وجديدة

اخفاء فولدر بطريقة جامدة وجديدة


ا جايب الموضوع ده طازة ومش منقول من اي منتدي
عشان خاطر عيون كريزي كريزي
قبل اي حاجه انا باخلص نفسي من اي واحد هيستخدم الخاصية دي غلط ودي لاخفاء الحاجات المهمه اوي وصعب تكشف لانها جديدة وغريبه

اولا انا اسف عشان مش هاقدر احمل صور بس انا هاحاول اكون واضح من خلال الكلام
واي حاجه يا ريت تسالوني

الموضوع خطوتين

اول خطوة

هنعيد تسمية الملف وطبعا احنا عارفين ان مينفعش نسمي الملف باسم فاضي مسافة مثلا
بس اتضح انه ينفع بس ركز >>> هتروح تسمي الملف عادي جدا وتكتب بالترتيب 0160 بس وانت دايسalt
يعني تدوس alt وبعد كده تدوس الاربع ارقام دول هتلاقي الملف اتسمي فاضي اوي مسافه مفيش حاجه مكتوبة
يعني كده احنا بقي عندنا ملف ملوش اسم

الخطوة الثانية
ان احنا نخفي الملف ده من غير موضوع properties ولا hiden
وده بطريقه سهله اوي هتروح علي الفولدر اللي لسه احنا عاملينه من غير اسم وتدوس كليك يمين وتختار اخر واحدة properties وتدوس من فوق customize اختار تاني سطر من تحت change folder هتلاقي اشكال كتيرة طلعتلك امشي يمين شوية هتلاقي اماكن فاضية في النص يعني مفيهاش اشكال او اشكال شفافه بمعني اصح اختارها ودوس اوكي

واكد العملية اخرج برة ودوس رفريش هتلاقي الفولدر مش موجود او موجود بس مش ظاهر
عشان تجيبه دوس ctrl+a وهتلاقيه عبارة عن علامة زرقه بس ومبروك عليك الفولدر
وغير كده ممكن تستخدم خاصيه الاخفاء العادية انك تعمل الفولد hiden

لا تنسونا بدعائكم بالذات ان نتيجتي النهارده
والدعاء لسائر المسلمين
لا تنسونا بردودكم المميزة
__________________